నే మనసు పడిన వెంటనే ఓ ఇంద్రధనుస్సు పొంగులే

తన అనురాగపు కిరణాలు నామీద ప్రసరించగానే
వానచినుకులా మబ్బుచాటున మాటువేసిన నేను
తెల్లని ఆ కిరణానికి ఏడు రంగులు పులిమి..
నే మనసు పడిన వెంటనే ఓ ఇంద్రధనుస్సు పొంగులే.. అని పాడాలనుకున్నా!!

కారుమబ్బులలో చిక్కుకుపోయింది కిరణం
విరహవేదనతో విలపిస్తూ భారంగా మారిన నన్ను
తనలో దాచుకున్న మబ్బే నేలకు సాగనంపింది.

మచ్చలేని మమతకు లోకంలో రంగులన్నీ పరిచయం చెయ్యాలనుకున్నా..
కానీ నలుపొక్కటే చూపించింది ఈ ప్రకృతి మాకు
నే మనసు పడిన వెంటనే ఓ ఇంద్రధనుస్సు పొంగులే.. కేవలం నా భ్రమేనా!!??