కాలమతి, ఫ్రమ్ రష్యా!!

చిన్నప్పుడు ఈ కథ వినే ఉంటారు: ఓ కొలనులో మూడు చేపలు ఉంటాయి, సుమతి, కాలమతి, మందమతి. రానున్న ఎండాకాలంలో గడ్దు పరిస్థితులు ఉంటాయని గ్రహించిన సుమతి ఏటికి ఎదురీది సురక్షిత ప్రాంతానికి వెళ్తుంది. కాలమతి, మందమతి బద్దకిస్తాయి. ఎండాకాలంతో పాటు గడ్డుపరిస్థితుల రూపంలో జాలర్లు వస్తారు. మందమతి దొరికి..పోతుంది. కాలమతి చచ్చిన చేపకు మల్లే పడి ఉంటుంది. నిజంగానే చనిపోయిందనుకుని జాలరి చేపను నీటిలో పారేస్తాడు. కథలోని నీతి: ముందుజాగ్రత్త అన్ని విధాలా మంచిది. ఆపాయంలో ఉపాయం రక్షిస్తుంది.

ఇప్పటిక్కిప్పుడు కథా..నీతి ఎందుకు చెప్పవలసి వచ్చిందంటే.. ఆ కాలమతే కళ్ళ ముందు తెల్ల స్కర్ట్ వేసుకుని టెన్నిస్ ఆడుతున్న ఆరడుగుల అమ్మాయిలా వచ్చిందా అన్నట్టు ఆడింది దినారా సఫీనా!! ఈమె రష్యా దేశస్థురాలు. ఫ్రెంచ్ ఓపెన్ లాంటి గ్రాండ్ స్లాముల్లో ఒక్కరికి మించి ఒకరు ఆడతారు. అందులో అతిశయోక్తి లేదు. కానీ ఈ అమ్మ రూటే..సపరేటు లా ఉంది. ఇంకో పాయింట్ తో అవతలవారు మాచ్ గెలుస్తారనగా.. మొదలు పెడుతుంది తన విజృంభన. ఆ పాయింట్ వారికి రానివ్వదు.. ఈ ప్రయాసలో ఒక గేము, ఇంకో గేము గెలుస్తూపోతూ.. గేముల ఆధిక్యంలోకి తన వచ్చేస్తుంది. అటు పై సెట్ నెగ్గేస్తుంది. చివరి నిర్ణయాత్మకమైన సెట్ లో పూర్తిగా ఆధిపత్యం చూపిస్తుంది. మాచ్ గెలవడానికి ఒక్క పాయింట్ దూరంలో ఉన్న అవతలివారు మాచ్, దానితో పాటు కప్పు వదిలేసుకునేలా ఆడుతుంది. నాలుగో రౌండులో మారియా షరపోవాను, ఇప్పుడు క్వార్టర్ ఫైనల్స్ లో మరొకరిని ఇలానే ఓడించి, సెమీస్ కు చేరింది.

“పాయింట్, గేము, సెట్ట్.. ఇవేవి నాకు తెలీదే.. ఈ అమ్మాయి గురించి మనకనవసరం” అనుకోకండి. ఎవరు గెలుస్తున్నారో, ఎవరు ఓడుతున్నారో తెలియటానికి ఆట నియమాలు తెలియాలి గాని.. ఎవరెంత ప్రయత్నిస్తున్నారో, ఎవరు ఓటమినే ఓడించాలానుకుంటున్నారో చూస్తుంటే.. అదే తెలిసిపోతుంది. ఓ మనిషి విపరీతమైన ప్రయత్నానికి మించి ప్రపంచంలో Strong Inspiration ఉండదేమో!! వీలైతే ఆడాలి..లేకపోతే గమ్మున ఉండాలి, అంతే కాని ఆటలు చూడడం వల్ల ఏమి ఒరగదు అని చాలా మంది హితబోధ చేస్తారు.. వారి కోసం ఇప్పుడు ఈ రష్యన్ కాలమతి కథలో నీతిని చూద్దామా..
ఒకే ఒక్క పాయింట్ తో గేము అయ్యిపోయేది, ఆ ఒక్క పాయింట్ కాపాడుకుంది కాబట్టే.. మాచ్ నిలబెట్టుకోగలిగింది. You take care of the moment, the rest will take care of itself అని ఎప్పుడో విన్నది గుర్తువచ్చిందా?? మనం విన్న సూక్తిని “మానవ ప్రయత్న” రూపేన చూపిన సఫీనాకు కంగ్రాట్స్ చెప్పుద్దామా??

ఇవాల్టి మాచ్ కి సంబందించిన వార్తా ఇక్కడ చదవగలరు.